33 Sapagkat wala sa mga kasamaang ito ang nanggagaling sa Panginoon; sapagkat ginagawa niya ang yaong makabubuti sa mga anak ng tao; at wala siyang ginagawa maliban sa ito ay madaling maunawaan ng mga anak ng tao; at inaanyayahan niya silang lahat na lumapit sa kanya at makibahagi sa kanyang kabutihan; at wala siyang ^atinatanggihan sa mga lumalapit sa kanya; maitim at maputi, alipin at malaya, lalaki at babae; at naaalaala niya ang mga ^bdi binyagan; at pantay-pantay ang ^clahat sa Diyos, kapwa Judio at Gentil.

  7 Kaya nga, ang ^alupaing ito ay inilaan para sa kanya na siya niyang dadalhin. At kung mangyayari na kanilang paglilingkuran siya alinsunod sa mga kautusang kanyang ibinigay, ito ay magiging lupain ng ^bkalayaan sa kanila; anupa’t, hindi sila kailanman madadala sa pagkabihag; kung magkagayon man, ito ay dahil sa kasamaan; sapagkat kung ang kasamaan ay lalaganap ay ^csusumpain ang lupain ng dahil sa kanila, ngunit sa mabubuti, ito ay pagpapalain magpakailanman.

  26 At ngayon, mga minamahal kong kapatid, nais kong ^alumapit kayo kay Cristo, na siyang Banal ng Israel, at makibahagi sa kanyang kaligtasan, at sa kapangyarihan ng kanyang pagtubos. Oo, lumapit sa kanya, at ^bialay ang inyong buong kaluluwa bilang ^chandog sa kanya, at magpatuloy sa ^dpag-aayuno at pananalangin, at magtiis hanggang wakas; at yamang buhay ang Panginoon kayo ay maliligtas.

  2 Samakatwid, O ikaw na humaharap sa ^apaglilingkod sa Diyos, tiyaking ^bpinaglilingkuran mo siya nang buong ^cpuso, kakayahan, pag-iisip at lakas, upang ikaw ay makatayong ^dwalang-sala sa harapan ng Diyos sa huling araw.

  5 Dahil dito, binibigyan ko sila ng isang kautusan, nagsasabi nang ganito: ^aIbigin ninyo ang Panginoon ninyong Diyos nang buo ninyong ^bpuso, nang buo ninyong kapangyarihan, pag-iisip, at lakas; at sa pangalan ni Jesucristo ^cpaglingkuran ninyo siya.

  23 Sapagkat masigasig kaming gumagawa upang makasulat, upang ^ahikayatin ang ating mga anak, at ang atin ding mga kapatid, na maniwala kay Cristo, at makipagkasundo sa Diyos; sapagkat nalalaman naming naligtas tayo sa pamamagitan ng ^bbiyaya, sa kabila ng lahat ng ating ^cmagagawa.