17 At muling iuunat ng Panginoon ang kanyang kamay sa ikalawang pagkakataon upang ^aibalik ang kanyang mga tao mula sa kanilang ligaw at nahulog na kalagayan. Dahil dito, magpapatuloy siyang gumawa ng isang ^bkagila-gilalas at kamangha-manghang gawain sa mga anak ng tao.

  1 Ngunit masdan, magkakaroon ng marami—sa araw na yaon kung kailan ako ay magpapatuloy na gagawa ng isang ^akagila-gilalas na gawain sa kanila upang maalaala ko ang aking mga ^btipan na aking ginawa sa mga anak ng tao, upang maihanda kong muli ang aking kamay sa ^cikalawang pagkakataon upang mabawi ko ang aking mga tao, na kabilang sa sambahayan ni Israel;

  5 Samakatwid, tunay na ^anakita ni Jose ang ating panahon. At natamo niya ang pangako ng Panginoon, na mula sa bunga ng kanyang balakang ay magbabangon ang Panginoong Diyos ng isang ^bmabuting ^csanga sa sambahayan ni Israel; hindi ang Mesiyas, kundi isang sangang mababali, gayon pa man, ay maaalaala sa mga tipan ng Panginoon na ang ^dMesiyas ay magpapakita sa kanila sa mga huling araw, sa diwa ng kapangyarihan, hanggang sa pagdadala sa kanila mula sa ^ekadiliman, tungo sa liwanag—oo, mula sa natatagong kadiliman at pagkabihag tungo sa kalayaan.